荔园Super Summer 2015 !10大经典景点、机

久别18年, 荔园 终于係听日26/6开幕!作为香港人的集体回忆,当中多个元素都将旧荔园装置和角色重新包装,与大家再次见面,今日我哋获邀请率先去「 荔园Super Summer 2015」试玩!

去试玩前,我哋係门口巧遇「宝猪妹」,原来佢18年前同发哥係荔园一见锺情,仲私定埋终身,点知发哥不迟而别,宝猪妹一等就等咗十八年,相信当年发哥今日都变咗发叔,叫佢咁伤心,我哋邀请埋佢一齐试玩!

1.荔园城堡 所需金币:免费

一去到门口,就见到呢个经典高10米嘅城堡,保留咗招牌红、蓝、绿3色设计和霓虹灯荔园招牌,就算你唔入去都可以影张相打个龙啦!

荔园Super Summer 2015 !10大经典景点、机
宝猪妹一见到城堡就忍唔住飞奔入去喇!

2.机械版天奴 所需金币:1个

虽然天奴死咗,不过机械版天奴都有佢嘅影子,仲可以抛假蕉过佢死,天奴仲会每20分钟屙一次屎,不过抛假蕉唔洗晒一个金币去抛假蕉俾佢食,睇人抛下咪算啰!

荔园Super Summer 2015 !10大经典景点、机
宝猪妹点评:就咁倒落佢个口度,佢又唔会真係食落肚,真係有少少无聊啰!

3.恐龙屋滑梯 所需金币:成人4个、小童2个

对新恐龙屋有点失望,旧恐龙屋可以入去睇唔同嘅恐龙装置,但新恐龙屋只得尾部一条滑梯,都係个句,影张相打龙就算,唔洗晒钱玩!

荔园Super Summer 2015 !10大经典景点、机

荔园Super Summer 2015 !10大经典景点、机
宝猪妹点评:5米滑梯,速度感都有,小朋友一定会锺意玩!大人影相算啦!

4.童真叮叮船 所需金币:成人4个、小童2个

与当年的叮叮船接近完全一样,最像真当然係船头嘅大叮叮钟,童年回忆番晒嚟!

荔园Super Summer 2015 !10大经典景点、机
宝猪妹点评:曾经玩过叮叮船既家长,睇住小朋友係新荔园玩叮叮,分分钟会感触落泪呀!

5.碰碰车 所需金币:成人6个、小童3个

可谓全场最动感的机动游戏,车速不会过猛,小朋友都啱玩! 

荔园Super Summer 2015 !10大经典景点、机
宝猪妹点评:呢个碰碰车唔算太激烈,好啱家长同小朋友一齐玩!

6.咖啡杯 所需金币:4个

当年有几多对情侣,都係荔园嘅咖啡杯转出感情来?今日咖啡杯都係几浪漫,不过,个餐厅品牌Logo就谋杀咗少少风景!

荔园Super Summer 2015 !10大经典景点、机
宝猪妹点评:咖啡杯细咗少少,不过设计都几靓!

7.粤语残片贴纸相机 所需金币:5个

以武侠粤语长片为主题的贴纸相机,大家可摆出各种粤语长片的招式,如万佛朝宗、降龙十八掌等,贴纸相机会即场加製背景和特效!

荔园Super Summer 2015 !10大经典景点、机
游客先选服装,不过骤眼所见只有4、5套选择。
荔园Super Summer 2015 !10大经典景点、机
在绿布景拍照
荔园Super Summer 2015 !10大经典景点、机
製成相片  宝猪妹点评:看我万佛朝宗!

8.校园鬼屋 所需金币:8个

场内最贵的活动,与Apps融合和观众互动玩捉鬼,几有新鲜感,但场地较其他主题乐园细,演员也少得多,常玩鬼屋的朋友可能会失望!

荔园Super Summer 2015 !10大经典景点、机
鬼屋小校园为主题,鬼会在不同的区域电子化出现,大家要用手机捉鬼!
荔园Super Summer 2015 !10大经典景点、机
大家可在入场前扫瞄QR code下载捉鬼app
荔园Super Summer 2015 !10大经典景点、机
宝猪妹点评:玩咁耐先得一只真鬼,会唔会太屎忽鬼?

9.旧荔园展示区 所需金币:免费

「好时光收集箱」,以展品、影片和相片向大家展示旧荔园时光,老一辈怀缅,也让后生一辈有个了解旧香港的机会。

荔园Super Summer 2015 !10大经典景点、机
荔园找来多张由当年游客提供的荔园玩乐照片。

10.小露宝蛋糕 所需金币:免费

这座4层高的「小露宝蛋糕」,共有66个小露宝,以庆祝荔园成立66周年。

荔园Super Summer 2015 !10大经典景点、机
宝猪妹点评:大大步神情确威武!小子大名露宝,人人皆知道!

荔园Super Summer 2015

日期:26/6 – 9月初 (约70天)

时间:11am – 11pm

地点:中环新海滨

 

更多荔园详情:

荔园Super Summer 50景点曝光!$0+快证+中伏位攻略!

荔园重现中环!十大怀旧玩乐设施率先睇!

新假期食玩报料:wwjetso@gmail.com

欢迎Instagram / facebook 使用#weekendhk 报料,资料一经选中会为你公告天下!