荔园Super Summer 2016 新增高卡车!即睇7大

一年容易又荔园,今年暑假又有新搞作, 荔园Super Summer 2016 以「夏日大晒」作主题,改喺亚洲博览馆举行,引入弹床、高卡车、充气竞技游戏等新玩意,等大家重拾童年回忆的同时,又有新嘢玩!

 

Q1:荔园Super Summer 2016 几时搞?

主办单位今日正式宣布, 荔园Super Summer 2016 将于7月15至8月7举行,星期一至日无间断,食正暑假档期,不过就只得24日,好似有d短。

荔园Super Summer 2016 新增高卡车!即睇7大
(官方图片)
Q2: 今年喺边搞?

去年于中环海滨举办的荔园Super Summer,不过去年时常落雨、场地积水,未知是否有影响生意,所以今年移师到亚洲国际博览馆举行,唔知大家会唔会嫌远呢?

荔园Super Summer 2016 新增高卡车!即睇7大
(官方图片)

不过今次比较特别,分为室内同室外区域,场内佔地11,000平方米,户外就有8,000平方米,加埋就同上年面积差唔多,所以预计规模都同去年类似。

Q3:今年驶唔驶入场费?点收费?

去年荔园其中一个卖点就係免费入场,可惜今年无咗呢个卖点,因为场地转咗去亚博之后,就需要买入场套票,6月1日开始可以网上预约门票。

荔园Super Summer 2016 新增高卡车!即睇7大
(官方图片)

星期一至四,成人每位收费$140,包括10个代币(代币单买$10/个);星期五至日就分时段收费,12pm前入场都係$140,12pm后入场就$180,包括12个代币;3岁以下免费入场,65或以上长者则半价入场。换句话讲,即係要收$40-$60入场费不等。

Q4: 游戏设施点分布?

大会今日公布咗场地地图,大象、恐龙等等荔园icon继续出现,另外亦有妖怪手錶、高卡车等等。

荔园Super Summer 2016 新增高卡车!即睇7大
(官方图片)
Q5: 高卡车点玩法?驶唔驶另外收费?

荔园Super Summer 2016 将会有全港首个电动高卡车场,车场位于室外,佔地约8,000平方米,赛道全长650米,时速最快为每小时50公里。圈速最快嘅参加者,仲可以获得首届电动方程式锦标赛香港站门票两张,好吸引!

荔园Super Summer 2016 新增高卡车!即睇7大

不过高卡车要另外收费,每位$280/45分钟,似乎有少少贵,6月1日开始可以网上预约门票。

Q6: 仲有咩新玩意?

除咗高卡车,今年荔园都有其他新玩意,例如妖怪手錶专区,入面包括摊位游戏、pop-up store、互动专区,带小朋友去就啱晒喇!

荔园Super Summer 2016 新增高卡车!即睇7大
(网上图片)

另外仲有全港最长充气竞技游戏,全长110米。以往类似嘅充气设施都好受欢迎,估计到时都会大排长龙呀。

而恐龙Dino亦会化身充气弹床,到时大家可以入去佢个肚dum入面跳跳跳。

荔园Super Summer 2016 新增高卡车!即睇7大Q7: 亚博咁远,有无乘车优惠?

机场快线会提供即日来回车费优惠,来回青衣站$42;香港站、九龙站$57;机场站$5,不过大家记得要使用八达通,于客户服务处换购车票。

荔园Super Summer 2016

地址:亚洲博览馆

日期:至8月7日

时间:星期一至四:11am-8pm;星期五至日:10am-8pm

收费:星期一至四:成人$140 长者$70(包10个代币);星期五至日:12pm前入场成人$140 长者$70(包10个代币);12pm后成人$180 长者$90(包12个代币);3岁以下小儿免费入场

***单购代币 $10